Origjina e Koronavirusit, ende e paqartë – Respektimi i metodës shkencore, e vetmja rrugë e pranueshme për të gjetur burimin

Origjina e koronavirusit është ende e paqartë dhe teoria se ka dalë nga një laborator duhet të merret seriozisht derisa të ketë të dhëna të besueshme që provojnë të kundërtën. Deklarata është bërë nga një grup shkencëtarësh. Virusi COVID-19 i cili u zbulua për herë të parë gjatë fundit të vitit 2019 ka marrë jetën e 3.34 milionë njerëzve, ka kushtuar triliona dollarë humbje dhe ka prishur normalitetin e jetës në gjithë botën.

Më shumë kërkime janë të nevojshme për të zbuluar përfundimisht origjjinën e saktë të kësaj pandemie, u shprehën 18 shkencëtarët, përfshirë edhe Ravinda Gupta, një mikrobiologe nga Universiteti i Cambridge. Autorët e deklaratës thanë se hetimi i Organizatës Botërore të Shëndetësisë për origjinën e virusit nuk kishte bërë një “konsideratë të ekuilibruar” të teorisë se ai mund të ketë ardhur nga një incident laboratorik.

“Njerëzit janë të gabueshëm. Prandaj është absolutisht e arsyeshme të mendosh se në një laborator mund të kishte ndodhur një aksident ,” u shpreh njëri nga shencëtarët për Reuters. Ndërkaq, në një shkrim përfundimtar nga shkencëtarët kinezë të cilët bënë një punë kërkimor në Ëuhan në fillim të këtij viti, u shprehën se virusi ishte transmetuar nga lakuriqët e natës tek njerëzit përmes një kafshe tjetër, dhe se një incident laboratori ishte “jashtëzakonisht  i pamundur” si një shkak.

Por ka ide të panumërta për origjinën e virusit, duke përfshirë një seri teorish konspirative. Shkencëtarët  thanë se respektimi i metodës shkencore është e vetmja rrugë e pranueshme përpara.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.