Origjina e Omicron, mund të jetë Gripi – Studimi: Varianti mund të ketë marrë pjesë të virusit që shkakton gripin

Varianti Omicron i koronavirusit, ka gjasa të ketë fituar të paktën një prej mutacioneve duke marrë një pjesë të materialit genetik nga një tjetër virus prezent në të njejtat qeliza të infektuara, me shumë mundësi nga ai që shkakton gripin e zakonshëm, sipas hulumtuesve. Kjo sekuencë genetike nuk shfaqet në asnjë nga versionet e mëparshme të koronavirusit, por gjendet në shumë viruse të tjera, përfshirë tek ato që shkaktojnë gripin e zakonshëm, dhe gjithashtu tek genomi njerëzor, sipas hulumtuesve.  Duke futur këtë pjesë të veçantë tek vetja, Omicron shfaqet më “njerëzor”, ç’ka e ndihmon t’i shpëtojë sulmit të sistemit imunitar, sipas Venky Soundararajan, tek firma e analitikës nference, në Cambridge, Massachusetts.

Kjo mund të nënkuptojë e virusi transmetohet më shpejtë, por shkakton sëmundje më të lehtë apo asimptomatike. Shkencëtarët nuk e dijnë ende nëse Omicron është më infektues se variantet e tjera, nëse shkakton sëmundje më të ashpër, apo nëse do të zëvëndësojë Delta si varianti mbizotërues. Mund të duhen disa javë që të merren përgjigje për këtë.  Qelizat tek mushkëria dhe tek sistemi gastrointestinal mund të strehojë SARS CoV-2 dhe gripin e zakonshëm në të njejtën kohë, sipas studimeve të mëparshe. Këto bashkë-infeksione krijojnë mundësinë e rikombinimit viral, një proces nën të cilin 2 viruse të ndryshme në të njejtën qelizë bartëse, mund të ndërveprojnë duke bërë kopje të vetes dhe gjeneruar kopje të reja që mund të kenë material genetike nga të dy “prindërit”.

Ky mutacion mund të ketë ndodhur fillimisht tek një person i infektuar me të dy patogjenët ku një version i SARS-CoV-2 ka marrë sekuencën genetike nga virusi tjetër, sipas studimit. E njejta sekuence genetike shfaqet disa herë në një prej koronaviruseve që shkaktojnë gripin tek njerëzit (HCoV-229E) dhe tek virusi i imunodeficencës HIV, që shkakton SIDA.  Afrika e Jugut, ku Omicron është identifikuar fillimisht, ka normën më të lartë në botë të HIV, që dobëson sistemin imunitar dhe rrit cënueshmërinë e dikujt nga infeksionet me viruses që shkaktojnë gripin dhe patogjene të ttjera.  “Me shumë mundësi nuk i kemi monitoruar shumë rikombinime që kanë ndodhur me kalimin e kohës, deri sa arritën tek Omicron”- bën të ditur studimi.  Më shumë hulumtime duhen për të konfirmuar origjinën e mutacioneve të Omicron dhe efektet dhe transmetueshmërinë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.