OSBE: Zgjedhjet në Kosovë “pa parregullsi të mëdha”

“Zgjedhjet e parakohshme parlamentare në Kosovë janë mbajtur në mënyrë të organizuar dhe “pa parregullsi apo incidente të mëdha”, ka qenë kjo deklarata e Organizatës për Siguri dhe Bashkëpunim në Evropë (OSBE)

Ekipet e OSBE-së kanë ofruar ndihmë teknike për organizimin e zgjedhjeve në komunat në veri të Kosovës, të cilat janë të banuara me shumicë serbe.

OSBE tha se parregullsitë kanë pasur të bëjnë me “mospranimin e kartave serbe të identitetit të disa votuesve dhe me raste të votimit të dyfishtë ose shumëfishtë”, por shtoi se këto çështje janë zgjidhur.

Rezultatet e Komisionit Qendror të Zgjedhjeve kanë treguar se koalicioni midis Partisë Demokratike të Kosovës, Aleancës për Ardhmërinë e Kosovës dhe Nismës për Kosovën ka fituar shumicën e votave në zgjedhjet e 11 qershorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.