OSHEE – Durrës, 4 abonentë në polici për lidhje energjie të paligjshme

Kontrollet e Task Forcës po zbatojnë planin e kontrollit për abonentët debitorë në qytetin e Durrësit. Mësohet se 5 grupe të posaçme së bashku me Policinë e Shtetit po ushtrojnë kontrolle të vazhdueshme në qytetin bregdetar dhe në të gjithë Shqipërinë.

Kështu, gjatë kontrollit I cili ka vijuar mbrëmë gjatë gjithë natës, janë shoqëruar në komisariat 4 abonentë për shkak të furnizimit me energji me lidhje të paligjshme. Denoncimi përkatës ndaj tyre është bërë tek oficeri I policisë gjyqësore.

Vetëm 2 ditë më parë po në Durrës u ndaluan 2 abonentë të tjerë për vjedhjen e energjisë dhe për shkak se ishin debitorë ndaj shtetit.

Sipas të dhënave të OSHEE, nga kontrollet e fundit janë proceduar rreth 50 persona vetëm në Rajonin e Durrësit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.