Oxford / AstraZeneca drejt një vaksine që do të luftojë variantet e reja – “Synojmë të jetë gati deri në vjeshtë”
AstraZeneca dhe Universiteti i Oxfordit po synojnë të zhvillojnë një vaksinë të aftë për të trajtuar variante të reja që nga vjeshta, ka thënë Reuters për një drejtues të lartë të prodhuesit.
I pyetur në lidhje me një afat kohor për prodhimin e vaksinës për të mbrojtur njerëzit nga variantet e reja, shefi i hulumtimit të AstraZeneca, Mene Pangalos tha: “Sa më shpejt të jetë e mundur”.
“Ne po punojmë shumë dhe tashmë po flasim jo vetëm për variantet që duhet të bëjmë në laboratorë, por edhe për studimet klinike që duhet të kryejmë”, tha Pangalos në një konferencë për media. “Ne po synojmë shumë të provojmë dhe të kemi diçka gati deri në vjeshtë.”
Oxford dhe AstraZeneca po afrohen për të marrë të dhëna për efikasitetin e vaksinës së tyre Covid-19 tek të moshuarit, tha Prof Andrew Pollard, drejtori i Grupit të Vaksinave të Oksfordit.
Ndërkohë kompanitë GlaxoSmithKline dhe CureVac të Gjermanisë, gjithashtu janë duke arritur një marrëveshje prej 150 milion eurosh për të zhvilluar një gjeneratë të ardhshme të vaksinave Covid-19 që synojnë variante të reja në pandemi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.