Oxford: Vaksina anti-Covid është gati për t’u testuar tek të moshuarit! – Procesi po shkon shumë mirë

Kreu i grupit të vaksinave në Oxford tha të premten se provat klinike për vaksinën anti-Covid “po përparojnë shumë mirë” dhe se programi do të inokulojë 10,000 njerëz të rinj.

“Tani ne po fillojmë studime për të vlerësuar se sa mirë vaksina shkakton përgjigje imune te të moshuarit,” tha profesori Andrew Pollard, kreu i Grupit të Vaksinave në Oxford, në një njoftim për shtyp.

“Studimet klinike po përparojnë shumë mirë”.

Vaksina quhet AZD1222 ose ChAdOx1 nCoV-19. Është testuar për herë të parë në dy njerëz në 23 Prill në Oksford, pas rezultateve premtuese te gjashtë majmunë makakë në SHBA në Mars.

10,260 njerëz të rinj, përfshirë të moshuarit, do të marrin vaksinën provë në maj dhe qershor, tha grupi. Grupi tha që rezultatet do të ishin të disponueshme “brenda dy muajve”, por që gjithsesi procesi “mund të zgjasë deri në gjashtë muaj” në varësi të faktorëve të jashtëm.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.