Pa viza për 30 ditë – Uzbekistani i jep të drejtë hyrje 45 shteteve
Uzbekistani lajmëroi ditën e sotme se 45 vende mund të hyjnë në vend pa qenë nevoja për viza.
Vendimi ka për qëllim të nxisë turizmin të cilin qeveria e sheh si të rëndësishëm për rritjen ekonomike. Shtetet që përfitojnë nga heqja e vizave për 30 ditë janë shumica vende europiane duke përfshirë Britaninë por edhe shtete si Australia, Kanadaja, Argjentina dhe Kili. Normalisht që edhe Shtetet e Bashkuara janë përjashtim i dukshëm. Vendi i varfër ish-sovjetik ka bërë përparësi turizmin për të zvogëluar varësinë e saj nga eksportet e mallrave. Qeveria është e prirur të tregojë trashëgiminë luksoze të Qyteteve të Lashta si Bukhara, Khiva dhe Samarkand.
Më parë këtë vit, Uzbekistani hoqi vizat 30 ditë për Gjermaninë, ndërsa Franca u bë vendi i parë i Bashkimit Europian që përfitoi nga ky vendim vitin e kaluar. Komiteti i turizmit i Uzbekistanit tha muajin e kaluar se numrat vjetorë të vizitorëve për vitin 2018 ishin 5.3 milionë, dyfishi i 2017.Presidenti Shavkat Mirziyoyev ka ndryshuar një numër politikash që penguan turizmin më parë kur në pushtet ishte paraardhësi i tij i ndjerë Karimov. Midis kufizimeve që ai hoqi ishte ndalimi i fotografive në kryeqytetin e metrosë të Taskentit që kishte çuar në ndalimin e turistëve nga ana e policisë.
Përpjekja e Mirziyoyev për të nxitur turizmin menjëherë pas vdekjes së Karimov në 2016 nuk ishte e suksesshme. Në dhjetor të atij viti, ai lëshoi një urdhër për lehtësimin ose anulimin e kërkesave për viza për vizitorët nga 27 vendet e zhvilluara, por kjo u shua para se të hynte në fuqi. Uzbekistani tashmë ofron hyrje pa viza për vizitorët nga Turqia, Izraeli, Indonezia, Koreja e Jugut, Malajzia, Singapori dhe Japonia, përveç hyrjes së lirë pa viza dhe për kohë të gjatë për qytetarët nga shumica e vendeve ish-sovjetike.
Burimi:AFP
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.