Pabarazia e shpërndarjes së vaksinave – Blinken thirrje të gjithë ministrave të jashtëm të mblidhen!

Takimi virtual i ministrave të jashtëm të vendeve të ndryshme për të diskutuar mbi pabarazitë në shpërndarjen e vaksinave, i thirrur nga Sekretari Amerikan i Shtetit, Antony Blinken, do të mbahet të mërkurën e ardhshme më 10 nëntor.

Në një postim në Twitter, vetë Blinken shkroi: “Njëzet muaj pas shpalljes së pandemisë Covid nga OBSH dhe pavarësisht progresit në vaksinimin në mbarë botën, ne ende nuk jemi aty ku duhet të jemi. Kjo është arsyeja pse unë po thërras një takim ministror për Covid më 10 nëntor për të çuar përpara rimëkëmbjen tonë globale dhe për të rindërtuar më mirë për të parandaluar kërcënimet e ardhshme shëndetësore. Siguria shëndetësore është siguri kombëtare”.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.