Paditen kompanitë e kafes – Nuk paralajmërojnë rrezikun e kancerit nga një kimikat i gjendur në produktet e tyre

Kompanitë e kafes në botë janë paditur nga një organizatë jo fitimprurëse pasi ato nuk i paralajmërojnë konsumatorët e tyre për rrezikun që produktet e tyre me kafe përmbajnë.

Rreth 90 dyqane me pakicë në Kaliforni janë paditur me motivin e shkeljes së ligjit për mos paralajmërimin e klientëve me anë të një etikete se një kimikat i gjendur në produktet e tyre të kafes rrit rrezikun e kancerit.

Fajtori për këtë është një kimikat i quajtur acrylamide, një nënprodukt i prodhuar në procesin e pjekjes së kafesë që është mjaft e pranishme në prodhimin e kafes.

Gjyqtari i Gjykatës së Lartë të Los Angelos Elihu Berle tha në një vendim të mërkurën që kompanitë nuk kishin treguar se nuk kishte rrezik të konsiderueshëm nga një kancerogjen i prodhuar në procesin e pjekjes së kafesë në dokumentet që u paraqitën në gjykatë.

Kështu këto kompani kanë kohë deri më datën 10 Prill të paraqesin kundërshtime ndaj këtij vendimi.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.