“Paga e Luftës”, nesër 9500 disbursimet e para! Kryeministri: Më shumë se 60 mijë përfitues. Do vijohet deri në fund të javës
Paketa e mbështetjes për individët dhe bizneset në kushtet e emergjencës do të zgjerohet edhe më tej javës tjetër. Kjo u rikonfirmua nga kryeministri. Në komunikimin për mediat, ai tha se deri më tani janë miratuar 9500 pagat e para “të luftës” të cilat do të disbursohen që nesër.
Ndërkohë gjatë kësaj jave do të miratohen çdo ditë listat që me pas do të bëhen disbursimet përkatëse. Kryeministri konfirmoi se janë më shumë se 60 mijë persona që do të marrin këtë pagë për shkak se kanë mbetur pa punë si rrjedhojë e pezullimit në kuadër të masave parandaluese për përhapjen e COVID-19.
Kryeministri apeloi që qytetarët dhe bizneset të vijojnë me aplikimet pranë Drejtorisë së Tatimeve që të mund të përfitojnë. Ndërkohë, kryeministri tha se ndihma ekonomik është shpërndarë tashmë dhe do të vijojë të mbështeten edhe me ndihma ushqimore ata që kanë më shumë nevojë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.