Pagat e mësuesve-Arsimtarët duhet të presin vitin 2021 për rritje! Fondi, jo premtues

Rritja me 40% e pagave për arsimtarët   mund  të  bëhet  vetëm në vitin e fundit të mandatit të kësaj qeverie.  Sipas të dhënave të publikuara në strategjinë  e zhvillimit të arsimit  parauniversitar  ajo që  vihet re është se për dy vitet e ardhshme  ka një shtim  të lehtë të fondit për pagat.

Deri në vitin 2020  krahasuar me  atë aktual  fondi për pagat parashikohet të rritet  vetëm  me  rreth 1.2 milion lekë .  Sipas  shifrave të publikuara  në  strategjinë e zhvillimit  të arsimit  parauniversitar  rritja  varion nga 30.2 milion në 2018 në 30.8  në 2019 dhe 31.4 milion në  2020,  çka do të thotë së  arsimtarët duhet të presin  deri  në  vitin 2021  për  të përfituar paga më të larta.

Për shkak të pagës së ulët prej rreth 45 mijë lekësh që marrin aktualisht mësuesit, shumë të rinj  nuk e radhisin këtë profesion   në  preferencat e  tyre kur aplikojnë për  në universitete këtë e tregon  numri  i vogël i  të diplomuarve në këtë degë. Cilësia po ashtu nuk është  optimale  gjë e cila ka  detyruar ministrinë për një reformë në sistemin e edukimit. Aktualisht, në sistem janë 35 mijë mësues pagat e të cilëve  këtë vit u rrit vetëm me 5%.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.