Pagat e mësuesve – Sindikatat e Arsimit kërkojnë rritje me 10% për 2019-ën
Sindikata e Pavarur e Arsimit të Shqipërisë kërkon që në buxhetin e vitit 2019 të parashikohet rritja e pagave të mësuesve me 10%. Kjo kërkesë vjen vetëm pak kohë nga bërja publike nga kryeministri Edi Rama dhe Ministrja e Arsimit Lindita Nikolla për rritje të pagave të arsimtarëve me 7% për vitin e ardhshëm.
Për sindikalistët, cilësia në arsim arrihet vetëm me buxhet të shtuar dhe se ai i parashikuar për vitin 2019 nuk i përmbush nevojat. Por rritja e pagave krijoi debat në komision. Për nënkryetaren e komisionit të edukimit dhe mjeteve të informimit publik, Milva Ekonomi, çështja e pagave po politizohet. 39 miliardë lekë është buxheti për ministrinë e Arsimit për vitin 2019, ose 1 miliard më shumë se këtë vit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.