Pagesë e re për mjekët, Manastirliu: Bonus 10 mijë lekë për shërbim ekstra
Ministria e Shëndetësisë do të zbatojë një skemë të re financimi për të stimuluar mjekët që të qëndrojnë sa më pranë pacientëve.
Ministrja e Shëndetësisë, Ogerta Manastirliu ka dhënë detaje të skemës, duke theksuar se mjekët e spitaleve Universitare që do të kryejnë konsulta apo ndërhyrje kirurgjikale në spitalet Rajonale në ditë të caktuara, do të shpërblehen me bonus 10 mijë lekë në ditë, ndërsa ata që do të japin shërbim nga njëri spital rajonal në tjetrin, do të kompensohen me 5 mijë lekë në ditë.
Sipas ministres, qëllimi është fuqizimi i spitaleve rajonale, me qëllim edhe uljen e fluksit të pacientëve në Qendrën Universitare “Nënë Tereza”.
Skemën e re e incentivimit për mjekët është bërë me dije gjatë punimeve të kongresit mbarëshqiptar mbi “Kujdesin gjatë shtatëzanisë dhe lindjes”
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.