Pajisje të reja me vlerë 130 mijë USD për Policinë Kufitare dhe Administratën Doganore
Policia Kufitare dhe Administratat Doganore kanë përfituar pajisje për zbulim dhe inspektim me vlerë rreth 130 mijë dollarë nga Programi për Kontrollin e Eksporteve dhe Sigurisë Kufitare (EXBS).
Këto pajisje do të përdoren në disa nga pikat kryesore të kalimit kufitar në Shqipëri. Personelit të programit EXBS iu bashkua edhe Ambasadori i SHBA-ve në Shqipëri, Donald Lu gjatë dhurimit të këtyre pajisjeve.
Në kuadër të përpjekjeve për zhvillimin e kapaciteteve të sigurisë kufitare, programi EXBS i ka ofruar Policisë Kufitare dhe Administratës Doganore trajnime, pajisje dhe mbështetje me vlerë rreth 5 milionë dollarë që nga viti 2003, që përkon me fillimin e veprimtarisë së tij në vendin tonë.
Lufta kundër krimit të organizuar është edhe një prej prioriteteve kryesore të qeverisë së Shqipërisë dhe asaj të Bashkuara të Amerikës.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.