Pajisjet mjekësore kundra COVID-19 dhe fondet për Programin e Rindërtimit nga tërmeti- Cfarë do t’i kërkojë Shqipëria presidentes Von der Leyn
Kryeministri Edi Rama deklaroi se në bisedën që do të zhvillojë me presidenten e Komisionit Europian Ursula Von der Leyen do t’i kerkoje që fondet e premtuara për rindërtimin e Shqipërisë nga tërmeti i nëntorit të vitit 2019 të mos ndryshojnë. “Do t’i kërkoj që përtej kësaj situatë fondet që BE premtoi nuk do të ndryshojnë destinacion sepse plani ynë për rindërtimin nuk ndryshon e nuk shtyhet” tha kryeministri.
Një kërkesë tjetër është ajo që rajoni i Ballkanit dhe Shqipëria të mos përjashtohet nga perimetri i BE-së për eksportet e materialeve dhe pajisjeve mjekësore dhe për tregtinë e mallrave që lidhen me shëndetësinë. “Nuk mund dhe nuk duhet në asnjë mënyrë të përjashtohet Ballkani Perëndimor. Pas bisedës, nëse nevojitet ne kemi përgatitur një nismë rajonale si 6 vende të Ballkanit që pot ë ketë nevojë t’ia adresojmë Bashkimit Europian” bëri me dije kryeministri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.