Pak shpresë për Gjermaninë – Rimëkëmbet lehtë tregtia. Largon shqetësimet e recesionit

Tregtia gjermane e ka nisur në mënyrë të qëndrueshme tremujorin e tretë,  duke rritur shpresat se ekonomia më e madhe europiane mund të përballojë ndikimin e tarifave dhe pasigurinë nga Brexit.

Zyra Federale e Statistikave deklaroi se eksportet u rritën me 0.7% në Korrik, ndërsa importet ranë me 1.5%. Sufiçiti tregtar u rrit në 20.2 miliardë euro,  duke ndjekur një shifër prej 18 miliardë euro në muajin Qershor.

Analistët prisnin një rënie të eksporteve dhe sufiçitit tregtar. Të dhënat e qëndrueshme mbi tregtinë vijnë pas një serë treguesish negativ mbi ekonominë gjermane, gjë që ka rritur shqetësimet se vendi mund të shkojë drejt recesionit në periudhën Korrik-Shtator.

Në kundërpërgjigje të kësaj situate, Banka Qendrore Europiane pritet të prezantojë stimuj të rinj monetarë në takimin e 12 Shtatorit. Produkti i Brendshëm Bruto u tkurr me 0.1% në tremujorin e dytë prej rënies së kërkesës jashtë vendit, kryesisht në britani dhe kinë. Ekonomistët e përkufizojnë recesionin teknik si dy tremujorë radhazi të tkurrjes së Produktit të Brendshëm Bruto.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.