Paketa e re fiskale, çfarë ndryshon për pagat me rritjen e kufirit nga 130 mijë lekë në 150 mijë lekë! Ahmetaj: 15 mijë e 400 përfitues
Paketa e re fiskale do të përmbajë një ndryshim në ligjin për tatimin mbi të ardhurat, vendim nga i cili, sipas Ministrit të Financave do të përfitojnë 15 mijë e 400 të punësuar në Shqipëri. në daljen për mediat ministri i Financave shpjegoi se ndryshimi në këtë ligj parashikon rritjen e kufirit të pagës që tatohet me 23 % nga 130 mijë lekë në 150 mijë lekë.
Çfarë ndryshon
Aktualisht, pagat deri në 130 mijë lekë tatohen me nivelin 13 % mbi nivelin e atyre të ardhurave që kalojnë shifrën 30 mijë lekë. e ato të ardhura që janë mbi këtë shumë, kalojnë në tatimin me 23 %. Më ndryshimin e fundit që ka planifikuar qeveria të bëhet përmes ndryshimeve të reja në paketën fiskale, pagat që do të tatohen me nivelin 13 % janë ato deri në 150 mijë lekë. Në këtë mënyrë, me skemën e re, të ardhurat deri në 150 mijë lekë do të tatohen me 13 % për pjesën mbi 30 mijë lekë dhe me 23 % të ardhurat që janë mbi këtë shumë.
Pra, 20 mijë lekëshi që ndryshon si nivel page, do të kalojë në nivelin e tatimit nga 23 % në 13 %.
Ashtu sikurse ishte paralajmëruar më herët, gjatë vitit të ardhshëm është parashikuar të bëhet rritje pagash për kategori të caktuara si infermierët, ushtarakët e mësuesit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.