Paketa Fiskale 2019, ndryshimet ligjore – DPT: Hyjnë në fuqi nga 1 janari. Fushatë informimi për tatimpaguesit
Drejtoria e Përgjithshme e Tatimeve së shpejti pritet të nisë një fushatë informimi lidhur me Paketën Fiskale 2019. Përmes saj, të gjithë tatimpaguesit do të informohen për ndryshimet e legjislacionit tatimor, të cilat do të hyjnë në fuqi më 1 janar 2019.
Më tej, pjesë e informimit do të jenë njëkohësisht edhe ndryshimet e akteve ligjore dhe nënligjore që kanë hyrë në fuqi gjatë këtij viti.
Veprimet kryesore që parashikohen të ndërmerren sipas DPT-së, janë:
- Përditësimi i ndryshimeve ligjore dhe publikimi i tyre në web;
- Përditësimi i materialeve të Platformës Informuese në web (broshura/video)
- Informimi i punonjësve të Shërbimit të Tatimpaguesit për ndryshimet ligjore
- Trajnimi i punonjësve të Shërbimit të Tatimpaguesve
- Takime me tatimpaguesit (kontabilistë, ekonomistë) në Drejtoritë Rajonale Tatimore
- Vizita informuese në biznese nga punonjësit e
- Shërbimit të Tatimpaguesve në DRT-të
Për realizimin e këtij procesi me sukses, Administrata Tatimore njofton se do të angazhojë ekspertët më të mirë të fushës.
Punonjësit e Shërbimit të Tatimpaguesit në Drejtoritë Rajonale Tatimore do të angazhohen për shpërndarjen e materialeve informuese, afishimin e njoftimeve në ekrane, orientimin në sportele për tatimpaguesit dhe individët e interesuar, si dhe do të realizojnë vizita të dedikuara informuese në mjediset e ushtrimit të aktiviteteve ekonomike.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.