Paketa fiskale e 2019/Hiqet taksa e karbonit për benzinën dhe gazoilin! Relacioni: Heqim taksimin e dyfishtë, incentivojmë eksportet
Në ndryshimet që janë propozuar në ligjin për taksat kombëtare, në kuadër të paketës së re fiskale, parashikohet edhe ndryshimi për heqjen e taksës së karbonit për benzinën dhe gazoilin që eksportohet.
Referuar relacionit të nismës, aktualisht prodhimi shqiptar nuk është i konkurrueshëm pasi paguan taksë 2 herë, një herë në Shqipëri në momentin e eksportit dhe herën e dytë në vendin destinacion.
“Pra, për të njëjtin produkt kemi një taksim të dyfishtë. Po e njëjta logjikë është ndjekur edhe për taksën e qarkullimit për benzinën dhe gazoilin, e cila aktualisht nuk aplikohet për sasitë që eksportohen” shkruhet ne relacion. Ndaj, edhe me këtë ndryshim ligjor synohet stimulimi i eksporteve duke hequr taksën e karbonit për benzinën dhe gazoilin që eksportohet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.