Pakt edhe pa SHBA – “TPP” bëhet “CPTPP”, Kanadaja pranon kushtet
Vendet e Trans-Paqësorit kanë vendosur që të avancojnë me paktin e tregtisë së lirë pa përfshirjen e Shteteve të Bashkuara të Amerikës. Bisedimet janë bërë gjatë takimit të APEC në Vietnam.
Gjatë orëve të fundit ishin ngritur shumë dyshime në lidhje me mbijetesën e paktit, për shkak të skeptizicizmit të Kanadasë për të vazhduar me paktin edhe pa përfshirjen e Shteteve të Bashkuara të Amerikës.
Më herët gjatë vitit, presidenti amerikan Donald Trump vendosi që të hedhë poshtë paktin duke i dhënë prioritet politikës së tij “Amerika e para”. Trump beson se, vetëm kjo politikë do të shpëtojë vendet e punës në Shtetet e Bashkuara të Amerikës.
Ministri vietnamez i tregtisë deklaroi se, tashmë ka kaluar pjesa më e vështirë. Marrëveshja e re, që pritet ende të formalizohet do të mbajë emrin Partneriteti i Kuptueshëm dhe Progresiv i Trans-Paqësorit, ose CPTPP, që do të zëvendësojë TPP e vdekur tashmë me largimin e Shteteve të Bashkuara të Amerikës.
Marrëveshja përfshin 11 shtete, të cilat së bashku gjenerojnë një vlerë tregtare prej 356 miliardë dollarësh në vit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.