Pakti i BE mbështet euron. Prek nivelin më të lartë në 4 muaj. Tani do të varet nga koronavirusi
Euro ka prekur nivelin më të lartë që prej muajit Mars këtë Javë, pasi Bashkimi Europian ra dakord për një plan gjigant të stimujve për të rimëkëmbur ekonomitë e goditura nga koronavirusi. Marrëveshja, një kompromis mes vendeve të Veriut që shqetësoheshin për grantet ndaj vendeve jugore, u quajt një sinjal i unitetit nga liderët europianë.
Euro u rrit me 0.2% menjëherë pas marrëveshjes, në 1.1470 kundër dollarit amerikan, që është niveli më i lartë që prej 9 Marsit, pavarësisht se fuqizimi u limitua nga pritshmëritë e tregjeve se marrëveshja do të arrihej gradualisht. Diçka tjetër që ofroi optimizëm në tregje ishin rezultatet inkurajuese të disa provave të vaksinave kundër Covid-19. Analistët thanë se kishte shumë pak informacion të ri mbi marrëveshjen për të nxitur euron më tej, pasi ndarja mes granteve dhe kredive ishte bërë e ditur më parë.
Commerzbank bën të ditur se për momentin, nuk pritet vrull tjetër për euron si nga ana fiskale dhe nga ajo monetare. Tani e tutje, valuta do të varet nga rimëkëmbja e ekonomive reale dhe zhvillimet në infeksionet ditore. Dollari mbeti i pandryshuar kundër shportës së valutave kryesore, në 95.81 pikë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.