Pakti i tregtisë së lirë në Afrikë – Liderët nisin fazën operacionale të AfCFTA
Liderët afrikanë nisën fazën operacionale të Marrëveshjes së Tregtisë së Lirë të Kontinentit të Afrikës (AfCFTA) në kryeqytetin e Nigerisë. Kjo ndodhi në Samitin e 12 të Bashkimit Afrikan. Presidenti i Egjiptit, Abdel Fattah al-Sisi, që është edhe kryetari aktual i Bashkimit Afrikan, presidenti nigerian, Mahamadou Issoufou dhe kryetari i Komisionit, Moussa Faki Mahmat, prezantuan së bashku pllakatën përkujtimore që shënon këtë event të rëndësishëm. Liderët afrikanë thanë se pakti i tregtisë së lirë do të bëjë që të gjithë afrikanët të promovojnë rritjen ekonomike rajonale. “Kjo marrëveshje është pakti më i shpejtë i organizatës tonë”, tha presidenti i Nigerisë.
Sisi tha se prezantimi i zonës së tregtisë së lirë krijon një mundësi për zhvillim dhe progres. Marrëveshja, që u nënshkrua më 21 Mars 2018 në Rwanda, shtoi ditën e Diel, Nigerinë dhe Republikën e Beninit te lista e nënshkruesve, duke lënë vetëm Eritrean jashtë. Pakti hyri në fuqi më 30 Maj, pas depozitimit të një minimumi prej 22 ratifikimesh nga vendet anëtare të Bashkimit Afrikan. Tashmë, 27 ratifikime të marrëveshjes janë depozituar. Marrëveshja e Tregtisë së Lirë të Kontinentit të Afrikës bën thirrje për një treg të përbashkët kontinental për mallrat dhe shërbimet, me lëvizje të lirë të personave dhe investimeve. Ndërkohë që bëhet plotësisht i operueshëm, pakti projektohet të rrisë tregtinë afrikane më mbi 52% deri në vitin 2022.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.