Pamje të jashtëzakonshme nga ferma e parë diellore malore në botë (FOTOT)

Ky rezervuar që shërben gjithashtu si një termocentral lundrues, ndodhet pikërisht në mes të Alpeve Zvicerane. Jo vetëm që projekti në lartësi të lartë mburret me disa pamje mahnitëse, por ai fitoi edhe çmimin prestigjioz Swiss Watt d’Or, si më të mirin në inovacionin e energjisë së rinovueshme 2020.

Termocentrali është i vendosur në rezervuarin Lac des Toules në Valais, Zvicër, në një lartësi prej 1,800 metra mbi nivelin e detit.

Ky liqen tashmë shërben si një hidrocentral por tani po korr energji shtesë diellore. Lart në malet zvicerane, atmosfera është më e rrallë, rrezatimi diellor më i fortë, dhe në dimër bora mund të reflektojë rrezet e diellit.

Romande Energie është kompania që qëndron pas këtij projekti. Sipas themeluesve, kushtet unike alpine janë ato që lejojnë panelet diellorë të veprojnë në mënyrë kaq efikase. Ata mund të korrin 50 % më shumë energji sesa impiantet e ngjashme diellore lundruese në lartësi më të ulët.

“Projekti pilot ka pak a shumë 800 megavat orë prodhim në vit, i cili përfaqëson 225 nevoja të familjeve,” i thotë udhëheqësi i projektit Guillaume Fuchs për Euronews Living. Stacioni është i ndërtuar nga 36 maune lundruese, që shfaqin më shumë se 2,000 metra katrorë të qelizave diellore.

A janë fermat lundruese të energjisë diellore në lartësi të madhe e ardhmja?

Ato sigurisht që kanë potencial. Sidoqoftë, projekti pilot duhet së pari të provojë se është i realizueshëm për një periudhë prove prej dy vjetësh. Zhvillimi dhe implementimi së bashku kushtojnë mbi 2.2 milion euro. Në total, ky proces zgjati gjashtë vjet dhe dhjetë muaj për të ngritur dhe për të bërë të funksionojnë panelet lundruese në kushte alpine.

Dy kompanitë zvicerane të përfshira, Romande Energie dhe ABB Schweiz, përfunduan punën në dhjetor 2019. “Plani ynë është së pari të shtrijmë këtë projekt në liqenin e Toules, por gjithashtu të kopjojmë këtë lloj teknologjie në një liqen tjetër,” thotë Fuchs. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.