Panairi i 7-të i Edukimit Botëror – Marrin pjesë 35 shkolla nga BE, SHBA dhe Kanada

35 shkolla nga Holanda, Amerika, Kanadaja dhe vende të tjera të Europës Perëndimore kanë hapur dyert për nxënësit dhe studentët shqiptarë, të cilët preferojnë të ndjekin studimet e tyre jashtë vendit. Në ditën e parë të panairit  të 7-të të Edukimit Botëror, panairi më i madh i Edukimit në Shqipëri, u vu re një interes i shtuar i të rinjve për bursat që ofronin këto shkolla.

Sipas organizatorëve të këtij panairi, numri i të rinjve të cilët aplikojnë për të studiuar në universitetet rritet çdo vit, ndërkohë që vendi më i kërkuar mbetet Anglia.

Për të gjithë ata studentët të cilët aplikojnë për të përfituar bursë, gjatë dy ditëve të zhvillimit të panairit, do të përfitojnë nga shkollat pjesëmarrëse, ulje në çmime për studime deri në 10%, ndërsa për ekselentët arsimi do të ofrohet 100% falas.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.