Panairi i karrierës në UBT- Musabelliu: 46 biznese të ndryshme, mundësi për punësimin e studentëve
46 kompani të ndryshme biznesi janë bërë pjesë e panairit të 6 të karrierës të zhvilluar në Universitetin Bujqësor të Tiranës, duke i dhënë mundësi studentëve të lidhin kontaktet e tyre për punësim . Në çelje të panairit Rektori i këtij universiteti Bahri Musabelliu ftoi të dy palët të shfrytëzojnë këtë mundësi që u ofrohet për studentët të punësohen ndërsa për biznesit të identifikojë më të mirët për t’i tërhequr me pas pranë kompanive të tyre.
I Pranishëm në këtë event ishte edhe zv. Ministri i Arsimit Redi Shtino i cili vuri theksin tek fokusi i ministrisë në krijimin e mundësive përmes projekteve të ndryshme për t’i bërë diplomat sa më të vlefshme për tregun e punës.
Gjatë këtij panairi u lidhën 6 kontrata të reja me sipërmarrjet pjesëmarrëse duke e çuar kështu numrin e marrëveshjeve në 49 si një mundësi e shtuar për rreth 10 mijë studentët që përgatiten në këtë Universitet.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.