Panairi ndërkombëtar për sigurinë personale dhe publike – AIDA: Mundësi bashkëpunimi me ekspertë të rajonit

Agjencia Shqiptare e Zhvillimit të Investimeve, AIDA njofton se në datat 5, 6 dhe 7 maj 2021, do zhvillohet panairi ndërkombëtar për sigurinë personale dhe publike ‘UzSecureExpo-2021’, në kryeqytetin e Uzbekistanit, në Tashkent.

Sipas njoftimit panairi treditor organizohet nga ‘International Expo Group LLC’, që është një nga kompanitë më të mëdha të ekspozitave ndërkombëtare, në këtë shtet aziatik ku fokusi kryesor do të jetë: mbrojtja nga zjarri, siguria në punë (prodhimi dhe realizimi i pajisjeve individuale të mbrojtjes); siguria IT (mbrojtja e informacionit, pajisjet e bankës).

ASHZHI bën me dije se do të shfaqen pajisje dhe mënyra të reja që lidhen me sigurinë, si: mjetet teknike për të garantuar sigurinë në industri, sistemet e alarmit për zjarre, pajisje për siguri të integruar, zjarrfikëse, radiomarrëse/dhënëse etj. dhe se ftohen të marrin pjesë subjektet e interesuara të sektorit, të cilët mund të zhvillojnë bashkëpunime me ekspertë të rajonit të Azisë Qendrore dhe jo vetëm.

Për më shumë informacion mund të kontaktoni në adresën zyrtare të AIDA-s: [email protected]  ose të vizitoni faqen e eventit: https://www.ieg.uz/uzsecureexpo

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.