Panairi “Work & Study” – Hapet më 18 Maj, pjesëmarrëse 60 kompani
Për të 9-in vit radhazi, tashmë i kthyer në traditë, panairi i “Work & Study”do të hapë dyert më datën 18 maj ora 11:00 në Pallatin e Kongreseve për të gjithë të gjithë të interesuarit për studim dhe punësim.
Në panair janë prezente 60 kompani të cilat janë në kërkim të një force të kualifikuar punëtore, duke e konsideruar atë si vendin më të përshtatshëm ku bëhet përballja mes ofertës dhe kërkesës në treg.
“Këtë vit zbatohet një formulë e re, formula është që për çdo vend vakant pune janë paraselektuar, janë situr, pozicionet përkatëse dhe për çdo pozicion psh: manaxher ose drejtor banke, janë 10 aplikantë që do të vijnë për çdo ditë në këto pozicione, të kualifikuar nga ana jonë si organizatorë, duke patur eksperiencën e sigurtë të tre prej kompanive lider në fushën e punësimit, që i kemi trajnuar bashkarisht dhe janë specializuar për këto pozicione pune.
Risi tjetër e këtij eventi është shtrirja, pjesëmarrja, popullariteti dhe si gjithmonë partneriteti dhe përfshirja e universiteteve më të mira në vend, të cilët japin ofertën më të mirë për studimin. Dihet që për të gjithë regjistruesit në këto data oferta do të jetë më e mirë dhe ata do të përfitojnë çmimet më të mira për të studiuar pranë universiteteve lider në vend”, tha për SCAN Ornela Gaçe, Drejtore e Dhomës së Tregtisë dhe Industrisë, Tiranë.
Panairi organizohet përmes bashkëpunimit midis Dhomës së Tregtisë dhe Industrisë Tiranë dhe Bashkisë së Tiranës, dhe do të qëndrojë i hapur deri më datën 20 Maj, për t’iu dhënë kohën e nevojshme të rinjve dhe jo vetëm që të aplikojnë dhe të njihen me ofertat e bizneseve.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.