Pandemia arrin majën në Indi / Rastet me Covid-19 nisin rënien. Shtohen thirrjet për karantinë kombëtare
Qeverisë indiane i janë shtuar presionet për të vendosur masa kombëtare të karantinës, ndërkohë që rastet ditore të infeksioneve me Covid-19 dhe vdekjeve ndodhen në nivele rekord. Në nisje të javës, numri i infeksioneve arriti në 366,161 me 3,754 vdekje në total, në rënie nga maja e arritur 2 ditë më parë, duke e çuar totalin në 22.66 milionë raste dhe 246,116 vdekje. Ndërkohë që spitalet po përballen me mungesë të oksigjenit dhe shtretërve dhe krematoriumet janë mbushur plot, ekspertët thonë se shifrat e vërteta në Indi janë shumë më të larta se ç’rapotohet.
Testet prej 1.47 milionë të Covid-19 ditën e Diel ishin më të ulëtat deri më tani, sipas të dhënave zyrtare, krahasuar me një mesatare prej 1.7 milionë për 8 ditët e para të Majit. Shumë shtete kanë vendosur masa strikte të karantinës në muajin e kaluar, ndërsa të tjera kanë ndaluar lëvizjen e njerëzve dhe kanë mbyllur baret e restorantet. Megjithatë, presionet janë shtuar ndaj Kryeministrit Narendra Modi që të lajmëroi një karantinë kombëtare, si ç’bëri gjatë valës së parë të pandemisë. Ai përballet me kritika për lejimin e festivaleve fetare dhe fushatave zgjedhore në 2 muajt e fundit, që shihen si shkak i rritjes së infeksioneve.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.