Pandemia “goditi” bashkitë 6-mujori, të ardhurat vendore ranë me 30 %

Pandemia COVID-19 ka dhënë efekt direkt në buxhetet e 61 bashkive në vend, ku për shkak të shtyrjes së pagesës për disa taksa dhe tarifa vendore, të ardhurat nga burimet e veta kanë rënë me afro 30 për qind në 6 mujorin e parë. Të dhënat janë bërë me dije nga Instituti Co-Plan, i cili ka hartuar edhe raportin e radhës për financat vendore.

“Bashkitë kanë nevojë për burime financiare për të përballuar situatat e emergjencave dhe burimet financiare nuk janë të njëjta për të gjitha bashkitë duke qenë se varen nga taksat dhe tarifat vendore që mbledhin. Kemi 45 bashki që si kanë këto kapacitete per hartimin e planeve per menaxhimin  e situatave te krizave. Ne 6 muaj kemi rënie te te ardhurave nga burimet e veta 20 deri ne 30 per qind”, shprehet Merita Toska, Eksperte për financat vendore, Co-Plan .

Ndërkohë që nga ana tjetër kanë pasur edhe shpenzime të larta për të përballuar nevojat emergjente si pasojë e COVID-19.

“Situata e pandemisë kosto shtesë për dezinfektim, shkollat, janë leke që mungojnë në buxhetin vendor”, tha Toska.

Mungesa e kapaciteteve të bashkive për të mbuluar nevojat e qytetarëve për një kohë të gjatë ka qenë një ndër problematikat më të mëdha që ka hasur pushteti vendor gjatë kësaj periudhe.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.