Pandemia ngadalësohet në rang global – Infektimet totale, në mbi 42.8 mln. Vdekjet nga Covid-19, në 687 mijë

Pandemia e COVID-19 në rang global është ngadalësuar gjatë javës së fundit. Me rreth 510,000 infektime mesatarisht të regjistruara çdo ditë në botë, treguesi ka rënë ndjeshëm, me rreth 8%, në krahasim me javën paraardhëse. Këtë javë, shumica e rajoneve të botës po shohin përmirësimin e situatës së tyre, ku rënia më e madhe e infektimeve është regjistruar në Afrikë, me 32%, SHBA dhe Kanada në rënie me 25%, dhe në rënie me 21& në Lindjen e Mesme.

Por, në disa vende të tjera vihet re një tendencë në rritje e infektimeve. Singapori është vendi ku epidemia po përshpejtohet më së shumti pasi janë regjistruar rreth 1,300 raste të reja në ditë, gjatë javës së fundit, në rritje 129% krahasuar me javën paraardhëse. Edhe disa vende të tjera në Europë, si Turqia, Rumania dhe Ukraina po njohin një tendencë në rritje të infektimeve me Covid-19.

Shtetet e Bashkuara të Amerikës regjistrojnë deri më tani numrin më të lartë të infektimeve dhe të vdekjeve nga Covid-19, që kur filloi pandemia. Në të gjithë botën, ndërkohë, janë prekur nga infeksioni rreth 42.8 milionë persona, deri të premten, ndërsa numri i viktimave ka kaluar 687 mijë, referuar të dhënave të Universitetit Johns Hopkins.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.