Pandemia preku buxhetin e drejtësisë. Pronarët pësuan shkurtimin më të madh 5 Mln dollarë, SPAK, KPK e KPA asnjë reduktim
Një studim i qendrës evropiane në bashkëpunim me Fondacionin Shoqëria e Hapur për Shqipërinë ka analizuar efektet negative të Pandemisë Covid 19 në buxhetet e institucioneve të drejtësisë, në një çast kur pjesa dërrmuese e dikastereve u gjendën nën presion për rishqyrtuar dhe ridimensionuar shpenzimet për shkak të saj.
Studimi zbardh se për shkak të Pandemisë, buxheti i Ministrisë së Drejtësisë është ulur me 723 milionë lekë, afërisht, 7 milionë dollarë. Ka qenë shërbimi i kthim kompensimit të pronës ai që ka pësuar shkurtimin më të madh në nivelin 530 milionë lekë, afërsisht 5 milionë dollarë. Ulje fondesh kanë pësuar edhe shërbimi i ndihmës juridike falas, si dhe Drejtoria e Përgjithëshme e burgjve, ndërkohë që shërbimi i provës ka qenë i vetmi që ka shënuar rritje fondesh në masën 44.4 milionë lekë, apo rreth 400 mijë dollarë.
Ulje fondesh kanë pësuar edhe buxhetet e institucioneve të pavarura të drejtësisë. Këshilli i Lartë Gjyqësor dhe gjykatat në tre nivele kanë shënuar një shkurtim buxhetor prej rreth 1 milionë dollarësh, ndërkohë që më të ulëta kanë qenë reduktimet për KLP, Prokurorinë e Përgjithshme, ILD, apo Shkollën e Magjistraturës. Të vetmet institucione buxhetet e të cilëve nuk kanë pësuar asnjë ndryshim janë dy shkallët e Vetting-ut dhe SPAK.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.