“Pandemia rrit kostot ekonomike e sociale” – Xhemollari: Nevojë për rikthim në auditore, studentët duhet të rimbursohen për shpenzimet
Mësimi online në universitete pritet të ketë kosto sociale krahas atyre ekonomike për studentët . Në një intervistë për televizionin SCAN Drejtori ekzekutiv i “ Qëndresa Qytetare “ Rigels Xhemollari theksoi rëndësinë e rikthimit të studentëve në auditore. Xhemollari vlerësoi si të nevojshëm përfshirjen e ekspertëve të arsimit në komitetin teknik, sipas të cilit, do të vlerësojnë riskun që sjellin vendimet tek të rinjtë dhe e ardhmja e vendit.
Xhemollari u ndal edhe tek problemet me bursat. Sipas kreut të “ Qëndresa Qytetare” kërkesa e sindikatës së Punonjësve në Universitete ndaj qeverisë për vaksinimin krahas bluzave të bardha është e drejtë, ai shtoi se vaksinimi i pedagogëve është i nevojshëm jo vetëm për ruajtjen e shëndetit të tyre por edhe për normalizimin e situatës sa i takon arsimit të lartë në vend.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.