Paneli i OBSH rekomandon dozat e treta – Vetëm për ata me sistem imunitar të cënuar prej rritjes së rrezikut
Organizata Botërore e Shëndetësisë rekomandoi se njerëzit me sistem imunitar të dobët, të marrin një dozë shtesë të vaksinës së Covid-19, për shkak të rrezikut të lartë të virusit që penetron mbrojtjten e vaksinës. Grupi i Ekspertëve të Këshillimit Strategjik mbi imunizimin, theksoi se doza e tretë duhet të ofrohet si “pjesë e shtuar e serive fillestare pasi këto individë kanë më pak gjasa të reagojnë si ç’duhet ndaj vaksinimit dhe janë në rrezik më të lartë të sëmundjes së ashpër”.
Për personat e sistem imunitar tejet të cënuar, ekspertët rekomanduan se do t’i ofrohet një dozë shtesë e një prej të gjithë vaksinave të listuara për emergjencë nga Organizata, sipas Alejandro Cravioto, kreut të grupit. Paneli rekomandoi gjithashtu se njerëzit mbi 60vjeç të marrin një dozë shtesë të vaksinave nga prodhuesit kinez Sinpharm dhe Sinovac, duke përmendur prova në studimet në Amerikën Latine se ato performojnë më dobët me kalimin e kohës. Autoritetet shëndetësore që përdorin vaksiant e Sinopharm dhe Sinovac, duhet të synojnë fillimisht të maksimizojnë mbulimin me 2 doza në popullsinë në moshë dhe të administrojnë një dozë të tretë, sipas panelit.
Paneli i Organizatës, i përbërë nga ekspertë të pavarur që bëjnë politika por jo rekomandime rregullatore, do rishikojë të gjithë të dhënat botërore mbi dozat e treta në një takim më 11 Nëntor, prej shqetësimeve mbi varaintet e reja dhe zbehjen e imunitetit. Sipas organizatës, rreth 1.5 miliardë doza janë të disponueshme në botë çdo muaj, mjaftueshëm për të arritur objektivin e vaksinimit të 40% të çdo vendi deri në fund të vitit, por shpërndarja është e pabarabartë. “Dhënia e dozave nxitëse tek individët që kanë përfituar reagimin e vaksinimit fillestar, është si të vendosësh 2 jelek shpëtimi tek dikush dhe të lesh të tjerë të mbyten” – tha drejtoresha e vaksinës tek Organizata, Kate O’Brien.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.