Papunësi rekord në SHBA – Zbret në 3.8%, niveli më i ulët në 18 vite
Norma e papunësisë në Shtetet e Bashkuara të Amerikës ka prekur një rekord të ri 18-vjeçar, duke zbritur kështu në 3.8%.
Kjo bën që ekonomia më e madhe e botës të jetë pranë punësimit të plotë.
Të dhënat më të fundit rrisin ndjeshëm shqetësimet sa i përket normës së inflacionit, pasi mund të ketë një bum çmimesh në kushtet aktuale.
Të dhënat më të fundit sinjalizojnë edhe një rritje të qëndrueshme të pagave, duke i bërë edhe më të pranishme shqetësimet mbi inflacionin.
Kjo rrit ndjeshëm gjasat që, Rezerva Federale të ndërhyjë këtë muaj duke rritur normat e interesit, si dhe duke përforcuar më tej gjasat për dy rritje të mëtejshme gjatë këtij viti.
Pjesa dërrmuese e analistëve të tregjeve tashmë projektojnë pikërisht këtë; 3 ndërhyrje gjatë këtij viti në drejtim të kahut shtrëngues të politikave monetare, rrjedhojë e drejtpërdrejtë e përmirësimit të indikatorëve kryesorë.
Të dhënat më të fundit të Departamentit të Punës në Shtetet e Bashkuara tregojnë kështu se, gjatë Majit janë krijuar plot 225 mijë vende të reja pune, duke marrë shtysë kryesisht nga sektori i ndërtimit.
Pagat mesatare mujore ndërkohë kanë pësuar një rritje prej 0.3%, duke e çuar rritjen vjetore në 2.7%.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.