Papunësia në Greqi ra në 20.1% në Mars, por mbetet më e larta në eurozonë

Norma e papunësisë në Greqi ra në 20.1 për qind në muajin mars sipas shërbimit statistikor të vendit, ELSTAT. Referuar të dhënave të publikuara ditën e enjte, muaji mars numëronte në Greqi numëronte 956 260 persona të papunë, kryesisht të rinjtë e moshave deri në 24 vjeç.

Ndërsa për personat e grupmoshës 15 deri në 24 vjeç, shkalla e papunësisë u ul në 43.2% nga 45.2% që ishte në po të njëjtën periudhë të vitit të kaluar.

Papunësia në Greqi, e cila arriti një rekord të lartë prej 27.9 për qind në shtator 2013, ka ardhur duke u ulur ndër vite, por mbetet më e larta në eurozonë. Qeveria pret që ky tregues të bjerë në 18.4 për qind këtë vit, bazuar në parashikimet në buxhetin e saj 2018.

Ndërkohë, sipas Eurostat, papunësia në 19 shtete të eurozonës ishte e qëndrueshme në nivelin 8.5% në muajin mars, shifër kjo e cilësuar si më e ulëta që prej shtatorit të vitit 2008.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.