Papunësia në Spanjë vazhdon rritjen. Vala e dytë godet rëndë tregun e punës, mbi 3.83 milionë të papunë
Spanja raportoi një rritje me 1.31% në personat e papunë në Tetor nga muaji i kaluar, ndërkohë që masat e reja të karantinës për të përmbajtur valën e dytë të koronavirusit kanë tronditur tregun e punës. Personat e regjistruar në kërkim të punës u rritën me 49,558 nga Shtatori, duke çuar numrin e personave jashtë tregut të punës në 3.83 milionë, sipas të dhënave të Ministrisë së Punës. Rreth 600,000 njerëz po mbështeten nga skema e mbrojtjes së punëtorëve të qeverisë, ç’ka po parandalon një rritje akoma më të madhe të shifrave. Spanja, e goditur më rëndë nga pandemia se vendet homologe, vendosi një karantinë të ashpër nga Marsi në Qershor, ç’ka solli dhe rënien më të keqe ekonomike në Europë.
Të dhënat për tremujorin e tretë të publikuara javën e kaluar, treguan se ekonomia është ende 8.7% më pak se 1 vit më parë. Pavarësisht rritjes së papunësisë, Spanja shtoi 113,974 vende pune në tetor, duke shënuar muajin e 6 radhazi të krijimit të vendeve të punës, sipas Ministrisë së Sigurisë Sociale. Rritja e punësimit në sektorin publik ka nxitur krijimin e vendeve të punës, ndërkohë që 85,000 punë së sektorin e mikpritjes janë fshirë. Në total, mbi gjysma e punëve të humbura gjatë pandemisë janë rimëkëmbur, por shumë persona e kanë ende të vështirë për të gjetur punë.
“Më pushuan gjatë karantinës dhe që prej atëherë, mbledh përfitimet e papunësisë”- tha Roberto Mendez, kuzhinier, në pritje jashtë zyrës së punësimit në Madrid. Ministrja e punës, Yolanda Diaz, theksoi se të dhënat e fundit ndodhen brenda trendit historik, ndërkohë që papunësia është rritur në tetor për 25 vitet e fundit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.