Paqartësi në zgjedhjet e Malit të Zi – Dy partitë kryesore deklarojnë fitoren. Partitë shqiptare fitojnë dy deputetë
Rezultati i zgjedhjeve të përgjithshme në Malin e Zi vijon të jetë i paqartë sa i përket partisë fituese, duke qenë se dhe opozita dhe qeveria kanë deklaruar fitoren. Rezultati mjaft i ngushtë ka çuar në këtë përplasje deklaratash, ndërkohë që analistët i tremben një përshkallëzimi të situatës, të ngjashme me rastin e Bjellorusisë. Rezultati zyrtar flet për një fitore të ngushtë të partisë së Milo Djukanovic.
Asnjë prej dy partive kryesore nuk do ta ketë shumicën parlamentare prej 41 deputetësh nga 80 dhe për këtë arsye do të duhet një koalicion qeverisës. Partitë shqiptare, ndërkohë, kanë arritur të fitojnë dy deputetë në parlamentin e ri, në zonën e Tuzit. Në zgjedhjet e kaluara, partitë shqiptare kishin arritur të siguronin vetëm 1 deputet.
Ligji malazez i lejon atyre vetëm 3 deputetë maksimumi. Opozita dhe shoqata të ndryshme, ndërkohë, kanë akuzuar shpeshherë Djukanovic dhe partinë e tij se ka tre dekada në pushtet dhe se po e drejton vendin nëpërmjet lidhjeve të ngushta me krimin e organizuar. Djukanovic, aktualisht president i vendit, ka njoftuar se do të rikandidojë në zgjedhjet e ardhshme presidenciale të vitit 2023.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.