“Paraja Lumë” – Bankat Saudite pritet të dyfishojnë asetet në 2020
Samba Financial, banka e tretë më e madhe e Arabisë Saudite nga asetet, pret që bankat saudite të shohin kenë një rritje prej dyfish të aktiveve deri në fillim të vitit 2020.
Arsyeja për rritjen e tyre sipas shefit ekzekutiv të bankës mbështetet nga planet e qeverisë për të diversifikuar ekonominë e saj me bazë naftën. Riyadh planifikon të rrisë shpenzimet shtetërore me një shumë prej 1,11 trilionë rijalësh ose 295 miliardë dollarë këtë vit, nga 1,03 trilionë në vitin 2018, një përpjekje kjo për të nxitur rritjen ekonomike që është dëmtuar nga çmimet relativisht të ulëta të naftës.
“Qeveria njoftoi për disa investime për projekte në argëtim, turizëm, strehim dhe ndërmarrje të vogla dhe të mesme (NVM). Të gjitha këto nisma do të shtojnë më shumë miliardë dollarë për Samba dhe industrinë bankare” -tha Rania Nashar në një intervistë.” Ne besojmë se marrja e kredive do të rritet ndjeshëm dhe ne mund të shohim rritjen e aktiveve deri në dyfish, nëse jo deri në fund të këtij viti atëherë në fillim të vitit 2020″.
Nashar, e cila në vitin 2017 u bë drejtoresha e parë femër e një banke komerciale Saudite të listuar, pret që rritja e kredisë të rritet në tremujorin e tretë. Aktiviteti kreditues për sektorin privat, një shenjë e besimi e bankave në ekonomi, u dobësua gjatë viteve të fundit pasi rënia e çmimit të naftës ngadalësoi rritjen ekonomike të vendit dhe uli kërkesën për kredi.
Megjithatë, kreditimi u rrit 2.8 për qind në 2018, kryesisht i nxitur nga kërkesa për hipotekat sipas planeve të qeverisë për të rritur pronësinë në shtëpi. Rritja totale e aktiveve arriti në 2.5 për qind gjatë së njëjtës periudhë. Gjithashtu, Nashar tha se banka po shqyrton mundësitë për të lëshuar obligacione pa dhënë detaje. Lidhur me konsolidimin në sektorin bankar saudit, Nashar tha se Samba nuk po vlerëson në mënyrë aktive ndonjë propozim për t’u bashkuar me bankat e tjera.
Burimi:Reuters
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.