Paralajmërimi/ Në fund të majit qeveria do të miratojë Paketën 3 Financiare për bizneset e individët! Çfarë parashikohet për 45 ditët e ardhshme

Në fund të muajit të ardhshëm, qeveria do të prezantojë një paketë të re ekonomike për bizneset dhe individët e prekur nga masat për parandalimin e përhapjes së pandemisë. Paketa e tretë pritet të prezantohet rreth datave 23-25 maj dhe përmbajtja e saj do të varet nga ecuria e përhapjes së virusit në Shqipëri.

Kjo u bë e ditur nga kryeministri gjatë prezantimit të paketës së dytë financiare që në thelb përbën një pagesë të vetme mujore për 176 mijë individëve dhe bizneset me një total prej 70 milionë dollarë. Kryeministri paralajmëroi se ndihma jepet deri në fund të muajit maj, kohë kur sipas parashikimeve pritet që kurba të shkojë në ulje të vazhdueshme e do të mund të lëvizet përtej perimetrit duke mundësuar një rikthim në normal në aktivitetin ekonomik, por sërish me kushte strikte sigurie.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.