Paralajmërojnë ekspertët në Gjermani / Vala e tretë do të jetë më e keqja. Spahn: Duhet të reagojmë menjëherë!
Zyrtarët kryesorë të shëndetësisë në Gjermani, deklaruan se vala aktuale e infeksionit të koronavirusit në vend mund të jetë me e keqe se 2 të parat.
Nëse njerëzit reduktojnë kontaktet gjatë pushimeve të Pashkëve, atëherë kjo valë e tretë mund të zbutet, sipas kreut të Institutit Robert Koch, Lothar Wieler, që foli në një konferencë me ministrin gjerman të Shëndetësisë, Jens Spahn. Wieler tha se Gjermania duhet të përgatitet për një rritje të fortë të rasteve, mbushje të spitaleve dhe rritje të vdekjeve. “Jemi në fillim të situatës dhe nëse nuk reagojmë menjëherë, do ketë pasoja të mëdha”- tha ai. Ministri gjerman i Shëndetësisë, Jens Spahn, tha se vala e tretë do të duhet të sheshohet.
“Nuk mund ta shmangim më këtë valë, por duhet ta sheshojmë sa më shumë të jetë e mundur, për të zbutur pasojat”- tha Spahn. Ministri tha gjithashtu se do t’i kërkohet të gjithë pasagjerëve ajror që hyjnë në gjermani një test negativ i koronavirusit përpara mbërritjes, nga dita e hënë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.