Parashikimi i motit për ditët në vazhdim: Reshje shiu lokale me intensitet të ulët deri të Premten
Shërbimi Meteorologjik Ushtarak njofton se për ditën e mërkurë vendi ynë pritet të ndikohet nga kushte atmosferike relativisht të paqëndrueshme ndërsa moti parashikohet me vranësira dhe intervale kthjellimi.
Sipas njoftimit reshjet e shiut me intensitet të ulët të karakterit lokal parashikohet të prekin fillimisht jugun e vendit gradualisht do të shtrihen edhe në pjesën tjetër të territorit ndërsa era do të fryjë nga kuadrati i jugut me shpejtësi mesatare 1-8m/sek, e cila hera-herës fiton intensitet deri ne 10-15m/sek, më e theksuar përgjatë zonave bregdetare duke u pasuar nga një valëzim i forcës 3-4 ballë.
Temperaturat parashikohen:
- zonat malore 8°C deri në 20°C
- zonat e ulëta 10°C deri në 24°C
- zonat bregdetare 12°C deri në 22°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.