Parashikimi i motit për këtë të Premte: Diell dhe erë me intensitet relativisht të lartë
Shërbimi Meteorologjik Ushtarak bën me dije se orët me diell pritet të mbizotërojnë në pjesën më të madhe të territorit tonë për ditën e premte ndërsa vranësirat të pakta kalimtare pritet të jenë përgjatë relieveve malore në orët e mesditës.
Sipas njoftimit era parashikohet nga Veriperëndimi me shpejtësi mesatare 1-8m/sek, e cila hera-herës përgjatë vijës bregdetare fiton shpejtësi deri në 12-15m/sek. Valëzimi në dete i forcës 1-2 ballë ndërsa temperaturat parashikohen pa ndryshime në vlerat e mëngjesit dhe rritje në vlerat e mesditës.
Më konkretisht në:
- zonat malore 7°C deri në 26°C
- zonat e ulëta 12°C deri në 29°C
- zonat bregdetare 13°C deri në 27°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.