Parashikimi i motit/ Shërbimi Meteorologjik: Pritet një javë e paqëndrueshme, reshje shiu dhe ulje të temperaturave

Shërbimi Meteorologjik shqiptar ka bërë me dije se java që presim përpara pritet të jetë relativisht e paqëndrueshme, me reshje shiu të herëpashershme dhe temperatura me ato që i ngjajnë vjeshtës dhe jo verës.

Sipas njoftimit pothuajse e gjithë java (përjashto këtu ditën e Premte) do të ketë mot me vranësira mesatare dhe të dendura por edhe intervalet e herëpashershme me diell dhe afatshkurtra.

“Vranësirat do të shoqërohen me reshje shiu të herëpashershme me intensitet të ulët dhe mesatar; lokalisht të lartë në formën e shtrëngatave stuhive dhe rrebeshit shoqëruar me breshër. Reshjet me këtë intensitet do të jenë kryesisht në relievet kodrinore-malore (ultësira perëndimore reshje kryesisht të dobëta) ndërsa siç u tha edhe më lartë dita e Premte do të ketë mot me kthjellime e vranësira kalimtare,” bën me dije SHM.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.