Parashikimi i motit/ SHM: Dita e mërkurë do të jetë nën ndikimin e kushteve atmosferike të paqëndrueshme

Sipas Shërbimit meteorologjik shqiptar dita e mërkurë do të jetë nën ndikimin e kushteve atmosferike të paqëndrueshme. Sipas njoftimit moti parashikohet me alternime kthjellimesh dhe vranësira deri të dendura ndërsa reshjet e shiut do të bëhen prezente që në orët e para të ditës përgjatë vijës bregdetare perëndimore dhe veriperëndimore e gradualisht reshjet do të shtrihen në zonën qendrore dhe ato malore.

SHM bën me dije se përgjatë Ultësirës Perëndimore në mesditë reshjet do të marrin karakter shtrëngatash dhe rrebeshesh afatshkurtra ndërsa në mbrëmje do të mbizotëroj mot i kthjellët.

Era do të jetë nga veriperëndimi-jugperëndimi 1-7m/s, e cila në momentin e zhvillimit të vranësirave fiton intensitet deri në 10m/s dhe temperaturat parashikohen të jenë si më poshtë:

vendet malore 11°C deri në 25°C

vendet e ulëta 13°C deri në 28°C

vendet bregdetare 14°C deri në 27°C

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.