Parashikimi i motit/ SHMU: Vranësira dhe intervale të shkurtra kthjellimesh në të gjithë vendin
Shërbimi Meteorologjik Ushtarak ka publikuar parashikimin e motit për ditën e mërkurë sipas së cilit koha parashikohet me vranësira dhe intervale të shkurtra kthjellimesh si dhe me reshje shiu në të gjithë vendin me intensitet të ulët deri mesatar.
Sipas SHMU në veri-verilindje në lartësinë mbi 600 metra do të ketë reshje në formën e dëborës, ndërsa në juglindje reshje bore në lartësinë mbi 1100 metra si dhe mjegull e dendur në orët e mëngjesit e në momentin e reshjeve të shiut.
Sipas njoftimit era nga kuadrati i jugut me shpejtësi mesatare 1-8m/sek, e cila hera-herës përgjatë vijës bregdetare dhe në momentin e reshjeve fiton shpejtësi deri në 18m/sek ndërsa valëzimi në dete i forcës 3-4 ballë.
Temperaturat parashikohen në:
zonat malore 1°C deri në 8°C
zonat e ulëta 4°C deri në 14°C
zonat bregdetare 6°C deri në 14°C
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.