Parashikimi i motit/ Shqipëria përfshihet nga erërat e ftohta të vrullshme. Temperaturat bien deri në – 8 gradë

Reshjet e shiut dhe dëborës kanë zbardhur një pjesë të territorit. Gjatë ditës era veriore u intensifikua në të gjithë vendin.

Në orët e ardhshme si dhe gjatë ditës së nesërme, sipas Shërbimit Meteorologjik Shqiptar, vendi do të përfshihet nga erërat e ftohta veriore intensive dhe të vrullshme. Reshjet e borës në formë të izoluar do të përfshijnë zonat malore.

Rrymat e ftohta, do të krijojnë kushtet për rënie të ndjeshme të temperaturave, si pasojë do të ketë ngrica në orët e mëngjesit e të mbrëmjes në pjesën më të madhe të vendit.

Temperaturat parashikohen në:

zonat malore -8ºC deri në -1ºC

zonat e ulëta -2ºC deri në 7ºC

zonat bregdetare 1ºC deri në 8ºC

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.