Parashikimi javor i motit/ Shërbimi Meteorologjik: Do të ketë paqëndrueshmëri kushtesh atmosferike

Sipas Shërbimit meteorologjik Shqiptar dita e hënë do të ketë mot me alternime kthjellimesh dhe vranësira ndërsa gjatë ditës së martë reshjet e shiut me intensitet të ulët do të prekin pjesën veriore dhe lokalisht atë qendrore të vendit deri në orët e mesditës.

SHM njofton gjithashtu se :

“Ditën e mërkurë orët me diell do të mbizotërojnë në pjesën më të madhe të vendit.

Ditën e enjte dhe të premte parashikohet të ketë mot me alternime kthjellimesh dhe vranësira.”

Sipas njoftimit era do të jetë kryesisht nga kuadrati i jugut 2-10m/s, e cila përgjatë vijës bregdetare dhe zonave pranë tyre, ditën e martë dhe të enjte, do të fitojë intensitet deri në 20m/s. Në fushën termike pritet rritje graduale e temperaturave, më e ndjeshme në vlerat e mesditës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.