Parashikimi për dekadën e ardhshme – Welt: Rritja ekonomike mesatare në 4%, në 2019 ishte 3%
“Ekonomia shqiptare është rritur me një hap në 3% këtë vit, poshtë nivelit të 4.1% të regjistruar në 2018, por sërish një surprizë, duke llogaritur edhe faktin se vendi u godit nga një tërmet me magnitudë 6.4 ballë në nëntor të këtij viti”, thuhet në raportin e ligës ekonomike botërore ( WELT), që publikohet çdo vit nga qendra për kërkime ekonomike dhe biznesin (CEBR). Ekonomia ka performuar mirë në 2019, thuhet më tej, pavarësisht normës së lartë të papunësisë.
Norma vjetore e rritjes së prodhimit të brendshëm bruto projektohet të rimëkëmbet në një mesatare prej 4% mes viteve 2020-2025.
Përgjatë 9 viteve të ardhshme, qendra për kërkime ekonomike dhe biznesin parashikon që ekonomia të zgjerohet me një hap prej 4% mesatarisht çdo vit.
Sa i përket prodhimit të brendshëm bruto, në raport parashikohet që të ngjitet në 17 mld dollarë vitin e ardhshëm, nga 15 mld dollarë të 2019-ës, të shprehur në çmimet aktuale.
Kjo rritje e ngjit Shqipërinë në vendin e 120-të ndër 193 ekonomi të botës sa i përket madhësisë së ekonomisë. Në 2034 ekonomia parashikohet në 48 miliardë dollarë, dhe e 114-ta në botë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.