Parlamenti Evropian miraton uljen e përdorimit të antibiotikëve tek kafshët e fermave

Parlamenti Evropian ka miratuar një sërë kufizimesh mbi përdorimin e antibiotikëve tek kafshët e shëndetshme në një përpjekje për të ndalur përhapjen e “baktereve” ndaj trajtimit mjekësor Thuhet, se kafshët e Evropës mesatarisht konsumojnë më shumë antibiotikë sesa njerëzit, në veçanti nëpërmjet ushqimeve të bagëtive që jetojnë në fermë, ku fermerët përdorin ato në mënyrë rutinore si një profilaktik kundër shfaqjes ose përhapjes së sëmundjes.

Por me të paktën 25.000 njerëz që vdesin çdo vit në Evropë nga infeksionet rezistent ndaj antimikrobikeve, shkencëtarët kanë paralajmëruar se pa reforma, ndërhyrjet rutinë mjekësore së shpejti mund të bëhen të pamundura.

Legjislacioni i ri, i cili do të bëhet ligj deri në vitin 2022, ndalon përdorimin e antibiotikëve të rezervës humane në mjekësinë veterinare dhe përdorimin e antimikrobikave të kafshëve të papërshkruara. Veterinerët do të duhet të ofrojë të dhëna për vëllimin dhe shitjet e ilaçeve antimikrobike, dhe ushqimet e importuara do të duhet të përmbushin standardet e BE-së, veçanërisht në zhvillimin e rritjes së kafshëve.

Pa përdorimin rutinë të antibiotikëve, fermerët do të duhet të miratojnë praktika bujqësore më të mira që do të përmirësojnë jetën e kafshëve të fermave në të gjithë BE-në. Kjo është një fitore e madhe për shëndetin publik dhe për mirëqenien e kafshëve.

Nuk është e qartë nëse të gjitha këto rregulla të reja do të zbatohen plotësisht në Mbretërinë e Bashkuar pas Brexit. Në parlament para një muaji, ministri i bujqësisë Xhorxh Eustice premtoi të zbatojë kufizimet antibiotike të BE dhe tha se qeveria kishte “mbështetur synimet kryesore të BE”.

“Mbretëria e Bashkuar ndoshta do të përfundojë me disa nga standardet më të dobëta rregullatore në Evropë, e cila ngre pyetje rreth llojeve të marrëveshjeve tregtare që do të kërkojmë me vendet jo-BE si SHBA, Kina dhe Australia, të cilat kanë nivele shumë më të larta e përdorimit pa kriter të antibiotikëve në bujqësi.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.