Parlamenti miraton me 86 vota pro, ligjin për fshirjen e detyrimeve tatimore
Parlamenti ka votuar me 86 vota pro dhe 2 kundër pr.ligjin “Për pagesën dhe fshirjen e pjesshme të detyrimeve tatimore, detyrimeve te pagueshme në doganë si dhe procedurën e heqjes nga qarkullimi të mjeteve të transportit pas fshirjes së detyrimeve tatimore”.
Ministri i Financave, Arben Ahmetaj tha se nga nisma është diskutuar me grupet e interesit dhe ka marrë mbështetjen e FMN-së. Sipas tij, totali i borxhit i mbledhur që nga viti 1995 është 191 mld lekë dhe nga ky projektligj, falen pa asnjë kusht rreth 29 miliardë lekë.
Po kështu është miratuar në Parlament sot edhe ligji “Për lirimin e frekuencave të dixhital – dividentit”.
Gjatë votimin në Parlament, mori 88 vota pro ligji për disa ndryshime në Kodin e Procedurës Penale, ndërkohë është miratuar me 86 vota p.ligji për mbrojtjen e dëshmitarëve.
Me 88 vota pro, Parlamenti miratoi projektligjin “Kodi i Drejtësisë për të Mitur”, ndryshimet në Kodin e Procedurës Civile në Republikën e Shqipërisë, pr.ligjin “Për disa ndryshime dhe shtesa në ligjin nr.49/2012, “Për organizimin dhe funksionimin e gjykatave administrative dhe gjykimin e mosmarrëveshjeve administrative, pr.ligjin “Për organizimin dhe funksionimin e Ministrisë së Drejtësisë”, të ndryshuar
Nga ana tjetër Parlamenti miratoi me 87 vota pro edhe projektligjin “Për një ndryshim dhe shtesë në ligjin nr.152/2013, “Për nëpunësin civil”, të ndryshuar.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.